Алишер Усмонов интернет фойдаланувчилари учун танлов эълон қилди

Жаҳон 29 Май 2017 23586
Фото: rbc.ru

Видеоблогер сифатида илк бора имкониятларини синаб кўрган россиялик миллиардер Алишер Усмонов ўзининг Навальнийга видеомурожаатларига ясалган мемлардан хурсандлигини яширмаяпти. Бир муддат аввал, кўпчилик учун кутилмаганда видеоблогер сифатида кучини синаб кўрган тадбиркор Усмонов мухолифат вакили Алексей Навальнийга бир неча мурожаатидан сўнг, мулоқотини ижтимоий тармоқлар фойдаланувчилари билан давом эттириш ниятида. 

Усмоновнинг Навальнийни "сенсираши" ва мухолифат вакили таржимаи-ҳоли, табиатини ифодалашда қўллаган сўзлари ижтимоий тармоқларда машҳур бўлиб кетди ҳамда кўчирма гап, мемлар ва пародияларга айланди.

Ўзининг иқрор бўлишича, янги видеоблогер жамоатчиликнинг ўз шахсиятига кутилмаганда бу қадар қизиқиш билдиришидан жуда хурсанд бўлган. У бундан кейин ҳам ижтимоий тармоқлар фойдаланувчилари билан ҳамкорликни давом эттириш ниятида. 

Бугун Усмонов "ВКонтакте"даги саҳифасида интернет-фойдаланувчиларга мурожаатини қолдирди. Тадбиркорнинг тан олишича, у "тармоқда эркин мулоқот ва санъат ривожланишидан том маънода манфаатдордир".

"Мен ҳазил ва латифаларни яхши кўраман, шу боисдан ҳам видеомурожаатим билан стикерлар, карикатуралар, пародиялар, видеороликлар ва мемларга сабаб бўлганимдан хурсандман", - деб қайд этган Усмонов. Унинг ваъда беришича, ҳафтада бир марта ўз саҳифасида Навальнийга видеомурожаати бўйича санъат асарларидан намуналар жойлаштириб боради. 

Усмоновга ёққан видеомаҳсулот эса тақдирланади: "...ва ҳафтада бир марта менинг субъектив қарашимга ёққан муаллифни ўзимнинг илк видеомни олган қурилма - iPhone 7Plus ҳамда имзом чекилган ва мем қайд этилган футболка билан тақдирлайман".

Шундан сўнг, Усмонов шу ҳафтанинг ғолибини маълум қилган. 

Миллиардер, шунингдек, telegram стикерлари муаллифини ҳам эътироф этган. "Бу маҳсулотларни ишлаб чиққанлар совғалар билан мукофотланишади", - деган Усмонов. 

Танлов ўтказиш учун "ВКонтакте"да махсус саҳифа ҳам очилди. Танлов бўйича барча саволларни ушбу саҳифага шахсий мурожаат воситасида бериш мумкин. 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 44840 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15233 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95031 Ўзбекистон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 11 Жаҳон
Европада Барселонадаги терактлардан кейин хавфсизлик чоралари кучайтирилди
08:01 83 Жаҳон
Барселона яқинида яна бир теракт амалга оширилди
07:08 1190 Жаҳон
Барселонадаги теракт учун жавобгарликни ИШИД ўз зиммасига олди
07:03 1333 Жаҳон
Хитойдаги кимё заводида кучли портлаш юз берди
00:33 2865 Жаҳон
Кекса немис Исландияга эски тракторда саёҳатга жўнади
00:24 1839 Жамият
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 3175 Жаҳон
Кўпроқ янгиликлар