«Ўзбекистон 24» телерадиоканали қачон ишга тушиши маълум бўлди

Ўзбекистон 29 Май 2017 61276
Фото: ЎзМТРК

Миллий телерадиокомпания таркибида ташкил этилган янги «Ўзбекистон 24» ахборот-таҳлилий телерадиоканали қачондан иш бошлаши маълум бўлди.

«Кун.uz» манбаси маълумот беришича, телеканал очилиши учун рамзий маънода 27 июнь - Матбуот ва оммавий ахборот воситалари ходимлари куни танланган.

Телеканалга Озод Ҳамидхўжаев директор этиб тасдиқланган. У кўп йилларда «Ўзбекистон» телеканалида «Таҳлилнома» кўрсатувини олиб борган. Унга «Ахборот» дастурида ишлаб келган Раҳим Маҳкамов ва Ҳайдар Ҳасанов ўринбосар этиб тайинланган.

Бундан олдинроқ «Ахборот», «Давр» ва «Пойтахт» информацион дастурлари ёпилиши, барча янгиликлар «Ўзбекистон 24» телеканалида бўлиши маълум қилинганди.

Миллий телерадиокомпания таркибида «Ўзбекистон 24» ахборот-таҳлилий телерадиоканалини ташкил этиш тўғрисидаги президент қарори май ойи аввалида имзоланганди. 

Телеканал мамлакатдаги сиёсий, иқтисодий, маданий ва спорт соҳаларида юз бераётган ҳодисаларни тезкорлик билан ёритиб боради. Шунингдек, телеканал хорижда ҳам мухбирлик пунктларига эга бўлади.

Президент қарори билан «Диёр» телеканали ва «Тошкент» радиоканали тугатилиб, уларнинг частоталари ҳамда штат бирликлари янги канал ихтиёрига ўтган.

«Ўзбекистон 24» SD ва HD форматларида рақамли эфир ижтимоий пакетига киритилади. Унинг HD форматидаги трансляцияси мамлакатда ушбу форматга тўлиқ ўтилгунга қадар параллел равишда UzHD каналида ҳам амалга оширилади. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13643 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67782 Жамият
Кун.uz офис изламоқда
15:48 / 06.08.2017 37002 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 404 Жаҳон
Саакашвили Украинага қачон қайтишини маълум қилди 
01:15 876 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 792 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар