АҚШнинг Висконсин штатидаги Хартфорд шаҳрида Қадрлаш куни муносабати билан ўтказилаётган парадда уч киши турли оғирликдаги жароҳатлар олдилар. Бунга эса эгасининг буйруқларига бўйсунмай, томошабинлар орасига югуриб кириб кетган понилар сабаб бўлган. Улар одамларни топтаб ташлашган. Бу ҳақда ABC телеканали хабар бермоқда

Понилар аравага қўшилган бўлган. Таъкидланишича, пониларнинг ўзларини бундай тажовузкор тутишига ҳуркиб кетганлари сабаб бўлиши мумкин. Понилар мушаклар овози ва улар томон болалар отган теннис коптокчаларидан чўчиб кетгани тахмин қилинмоқда.

Полицияда маълум қилинишича, пониларни тўхтатишга ҳаракат қилинган, бироқ улар арава билан бирга оломон орасига кириб кетган.  

Барча жароҳатланганлар, жумладан 9 ёшли бола шифохонага етказилган.

Пониларга ҳам мутахассислар ёрдами талаб қилинган, улар ветеринарга олиб борилганлар.