Россия ва Қозоғистон ўз ҳудудига кириш ва чиқиши учун Қирғизистон фуқаросининг 2017 йил намунасидаги паспорти (ID-карта)ни тан олди. Бу ҳақда Қирғизистон Республикаси ташқи ишлар вазирлиги матбуот хизмати хабар қилмоқда. 

Икки давлат 2000 йил 30 ноябрида Белоруссия, Қозоғистон, Қирғизистон, Россия ва Тожикистон ҳукуматлари ўртасида имзоланган келишув ҳамда ушбу давлатлар ташқи ишлар вазирликлари билан келишувга мувофиқ, мазкур ҳужжатни тан олишини билдирган.