Сербиядаги президентлик сайловларида ғолиб бўлган Сербия бош вазири Александр Вучич истеъфога чиқишини эълон қилди, деб хабар бермоқда Tanjug нашри.

"Сербия бош вазири лавозимидан кетишга ариза бердим", деб айтган Вучич.

Вучич 2 апрелда ўтган президентлик сайловларининг 1-турида 55 фоиз овоз билан ғолиб бўлган. Амалдаги президент Томислав Николичнинг ваколати 31 май куни тугайди. Вучичнинг инаугурацияси санаси ҳали маълум қилинмаган.