Шри-Ланкада юз берган сув тошқинлари туфайли ҳалок бўлганлар сони 193 кишига етди, яна 94 инсон бедарак йўқолган, деб ҳисобланмоқда. Бу ҳақда Франс Пресс агентлиги маҳаллий ҳукуматга асосан хабар берди.

Аввалроқ 177 инсон ҳалок бўлгани ва 109 нафари бедарак йўқолгани маълум қилинганди.

Мамлакатнинг турли туманларидаги сув тошқинларига жума куни бошланган кучли ёмғирлар сабаб бўлган. Тахминан 600 минг киши сув тошқинлари ва кўчкилар туфайли ўз уйларини тарк этди, 1,3 мингдан ортиқ уйлар вайрон бўлди, яна тахминан етти минг уй зарар кўрган. Шри-Ланка фавқулодда вазиятларда ҳаракатланиш маркази маълумотларига кўра, сув тошқини мамлакатнинг 15 округида ҳаммаси бўлиб 557 минг кишини қамраб олди. Табиий офатдан жабр кўрганларнинг кўпчилиги ўз уйларига қайта бошлади.

Шри-Ланка БМТ ва Жанубий Осиё давлатларига табиий офат оқибатларини бартараф этишда ёрдам сўраб мурожаат қилди. Хитой Шри-Ланкага 2 миллион долларлик гуманитар юк юборишга ваъда берган.