АҚШ президенти Доналд Трамп расмий Москва 2016 йилги президентлик сайловларига аралашгани борасидаги айбловга фикр билдирди.

У Демократик партия мағлубиятини шу баҳона билан оқлашга уринишини «мужмаллик» деб атаган.

«Россиялик амалдорлар демократларнинг мағлубиятини бу тарзда оқлаётганини эшитиб кулишади», — дея ёзган у ўз твиттерида.

Бундан олдинроқ Россия президенти Владимир Путин Франция президенти Эммануэль Макрон билан учрашувдан кейинги матбуот анжуманида Россия ҳеч қайси давлатдаги сайловларга аралашмагани ҳақида айтгани хабар қилинганди.