Фотожамланма: Венесуэлада намойишчилар ўлдирилмоқда ва ҳибсга олинмоқда

Жаҳон 31 Май 2017 11333
Фото: Reuters

Венесуэла полицияси икки ой олдин бошланган ва ҳамон давом этаётган ҳукуматга қарши намойишлар давомида деярли уч минг кишини ҳибс қилган. Бу ҳақда ҳуқуқ ҳимоячиларига асосланган ҳолда маҳаллий нашрлар ёзмоқда.

Foro Penal нодавлат ташкилоти раҳбари Алфредо Ромеро берган маълумотга кўра, намойишлар давомида полиция 2 минг 977 кишини қўлга олган, улардан 1,351 нафари ҳамон ҳибсда қолмоқда.

Шу кунларда яна Каракасдаги намойишларга икки мингга яқин киши чиққан. Полиция уларга қарши кўздан ёш сиздирувчи газ қўллади.

Венесуэладаги оммавий норозилик  намойишлари шу йилнинг 1 апрелида президент Николас Мадурони қўллаб-қувватловчи Венесуэла Олий суди Миллий ассамблея (парламент) ўрнига ўзини қонунчилик органи деб эълон қилиб, депутатларни иммунитетдан маҳрум этиш ҳақида қарор чиқарганидан кейин бошланганди.

Намойишчилар навбатдан ташқари президентлик сайловлари ўтказишни ва парламент ваколатларини тиклаб, иқтисодий ислоҳотлар жараёнини бошлашни талаб этмоқда.

Президент Николас Мадуро қонунларни инкор этишда, шунингдек, сиёсий мухолифатга босим ўтказиш ҳамда мамлакатдаги иқтисодий муаммолар юзага келишида айбланмоқда.

Ўтган вақт ичида полиция билан тўқнашувлар давомида 69 киши киши ҳалок бўлди.

Намойишчиларни тарқатишда ўточар қуроллардан ва резина ўқлардан ҳам фойдаланилмоқда. Намойишчилар эса полицияга тошлар ва бутилкалар улоқтирмоқда, кўчаларда машиналарга ўт қўймоқда.

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28195 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15035 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56132 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1031 Жаҳон
Reuters: АҚШ Мисрга ҳарбий ёрдам бермайдиган бўлди
00:34 922 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 3304 Жамият
Германияда Трамп боши шаклидаги гиёҳванд моддали таблеткалар аниқланди
00:21 913 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1145 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 1510 Спорт
Кўпроқ янгиликлар