Франциянинг Ланди департаментида яшовчи аёл марҳум онасининг пенсиясини олиш учун унинг жасадини музлатгичда камида 7 йил сақлаган, деб хабар бермоқда France Info портали. 

50 ёшли аёл фирибгарлик иши бўйича жандармерияга чақирилган. Аёл иш бўйича тушунтириш бераётганда, 83 ёшида вафот этган онасининг жасади ҳанузгача кўмилмагани ва уни боғ ичида яширилган, ишламайдиган музлатгичда сақлаётганини тан олган. 

"Қурилма чириётган жасадни яшириш учунгина ишлатилган. Тергов аёл ўз ўлими билан вафот этганини аниқлаши керак", деб айтган иш билан таниш бўлган манба.

Маълум қилинишича, вафот этган аёлнинг пенсияси деярли 2 минг еврони ташкил қилган.

LCI телеканали маълумотларига кўра, аёл 2010 йилда вафот этган, бироқ у ҳақда 2007 йилдан бошлаб ҳеч нарса маълум бўлмаган. Таъкидланишича, жасад яқин орада экспертиза қилинади.