GM Uzbekistan компанияси Ўзбекистон аҳолисини республика автосалонларидаги турли қонунбузарлик ҳолатлари ҳақида маълум қилиш сўралган хабарни эълон қилди.

“Ҳурматли истеъмолчилар, дилерлик корхоналари ёки уларнинг ходимлари томонидан автомобилларни реализация қилишнинг ўрнатилган тартибида қонунбузарлик ҳолатлари амалга оширилгани аниқланса, қўшимча мукофотлаш талаб қилинса ва бошқа қонунга зид хатти-ҳаракатлар амалга оширилса, GM Uzbekistan ягона ишонч телефонига: (+998 71) 147-14-14 дарҳол мурожаат қилишингизни сўраймиз", - дейилади компания хабарида.

Эслатиб ўтамиз, жорий йилнинг 1 июнь кунидан бошлаб GM Uzbekistan’нинг барча автомобиллари сўмда сотилиши йўлга қўйилади. Шуни таъкидлаб ўтиш лозимки, 1 июнга қадар автомобилларни бериш ва янги шартномаларни расмийлаштириш вақтинчалик тўхтатилди.