Ҳиндистоннинг Мегхалая штатида ибодатдан кейинги байрамдан сўнг 9 киши ҳалок бўлди, 200 дан кўпроқ киши овқатдан заҳарланди. Бу ҳақда Indian Express нашри хабар бермоқда. 

"Нонгкия қишлоғида овқатдан заҳарланишдан 8 киши, жумладан 7 нафар балоғатга етмаганлар ҳалок бўлди", деб маълум қилди округ полиция комиссари ўринбосари. Маълум қилинишича, одамлар гуруч ва чўчқа гўшти истеъмол қилишган.

Соғлиқни сақлаш вазирлигидаги мансабдор шахснинг маълум қилишича, яна бир ўсмир 29 май куни Умснинг шаҳрида ҳалок бўлган.

Нашр маълумотларига кўра, яқин атрофдаги қишлоқлардаги 200 га яқин одам шифохонага ётқазилган. Одамларнинг заҳарланишига сабаб бўлган таом намуналари Гуахати шаҳридаги тиббий лабораторияга юборилган.