Rossiyaning «Zvezda» telekanali o‘z saytida Rossiya harbiy-dengiz floti tomonidan IShIDning Palmiradagi inshootlariga raketa zarbalari bergani aks etgan videolarni joylashtirdi.
Bundan avvalroq, Rossiya mudofaa vazirligi «Admiral Essen» fregati va «Krasnodar» suv osti kemasidan uchirilgan 4ta «Kalibr» raketalari vositasida barcha nishonlar yo‘q qilinganini ma'lum qilgan edi.
Moskvaning ta'kidlashicha, mazkur zarbadan avval, AQSh, Isroil va Turkiya qo‘mondonligi o‘z vaqtida ogohlantirilgan.
