Qozog‘istonning ikki fuqarosi Kobul shahri markazida ro‘y bergan kuchli portlash oqibatida jarohatlangan. Bu haqda Qozog‘iston TIV rahbari Anvar Jaynakov o‘zining feysbukdagi sahifasida ma'lum qilgan.
TIV ma'lumotiga ko‘ra, ular portlash hududidan 500 m masofadagi mehmonxonada bo‘lishgan.
"Ulardan biri (1982 yilda tug‘ilgan) oyna sinig‘i boshiga tegishidan, ikkinchisi (1991 yilda tug‘ilgan) oyna parchasi oyog‘iga tegishidan jarohat olgan. Ularga tibbiy yordam ko‘rsatilgan, ular ayni vaqtda xavfsiz sharoitda bo‘lib turibdi", deya ma'lumot bergan Jaynakov.
Uning so‘zlariga ko‘ra, diplomatlar ular bilan doimiy aloqada bo‘lib turishibdi. Qurbonlar orasida qozog‘istonliklar bor yoki yo‘qligi haqida aniq ma'lumot yo‘q.
Elchixonalar hududidagi portlash: Kobul terakti qurbonlari soni 100 nafardan oshdi
