«Барселона» футбол клуби ва Аргентина терма жамоаси ҳужумчиси Лионель Месси ўз расмий сайтини очди.

Саҳифада футболчининг бутун дунё бўйлаб қарийб 150 миллион нафар бўлган мухлислари ўз қаҳрамонлари ҳақидаги энг сўнгги хабарларни ўқиши, унинг фонди эълонларидан хабардор бўлиши, реал вақтда статистика, ижтимоий тармоқлардаги хабарларни кўришлари, шунингдек, ҳар кунлик қатор қизиқарли янгиликларни ўқиб боришлари мумкин. Бундан ташқари, у ерда Лионель иштирокидаги ўйинларнинг матнли онлайн-трансляцияси ҳам ўтказилади.

IOS ва Google Play’га эга мобил қурилмаларда эса беллашувларни реал вақт режимида томоша қилиш функцияси ҳам бор.