Махсус хизматларнинг ноқонуний услубларини фош қилиш билан шуғулланувчи WikiLeaks портали асосчиси Жулиан Ассанжнинг маълум қилишича, АҚШдаги радиодастурга бошловчилик қилиш бўйича қатор таклифларни кўриб чиқмоқда.

Ассанж 2012 йилдан бери Эквадорнинг Лондондаги элчихонасида қолмоқда – ўшанда у Эквадор ҳукуматига сиёсий бошпана бериш ҳақида мурожаат қилган, бу унинг WikiLeaks’даги фаолияти туфайли Швеция ҳукумати АҚШга экстрадиция қилиши мумкинлиги туфайли юз берди.

"АҚШдаги бир неча радиостанциялар менга элчихонадан туриб ҳар ҳафталик радиодастурга бошловчилик қилишни таклиф қилишди. Бу яхши ғоями? Унинг шакли ва номи бўйича таклифлар борми?", - дея ёзди Ассанж Twitter’да.

Fox News телеканали ва унинг шарафига номланган радиодастур бошловчиси Шон Хэннити Ассанжга ўз ўрнини таклиф қилди. "Сиз мени алмаштиришингиз мумкин, мен 550 та радиостанциядан ҳаво мавжларига чиқаман ва 14 миллионга яқин тингловчи эшитади", - дея ёзди Хэннити Twitter’да.

"Мен бу таклифни кўриб чиқмоқдаман. Менинг жисмоний имкониятларим, бу унча осон кечмаслигини англатади", - дея маълум қилди Ассанж CNN телеканалига.

Аввалроқ Швеция прокуратураси  Жулиан Ассанжга нисбатан жинсий тажовуз ва зўрлаш иши бўйича тергов ҳаракатлари тўхтатилгани ҳақида маълум қилганди. Лондон полицияси эса Ассанж элчихонани тарк этса, ҳибсга олиниши ҳақида маълум қилди.