Франция компаниялари Ўзбекистонга инвестиция киритиш имкониятини кўриб чиқади

Иқтисодиёт 01 Июнь 2017 3396
Фото: Wikiwand

Тошкент шаҳридаги Халқаро ҳамкорлик марказида 1 июнь куни Ўзбекистон – Франция бизнес-форуми бўлиб ўтди.

Тадбирда икки мамлакатнинг сармоя, савдо, иқтисодиёт, банк-молия, энергетика, ахборот технологиялари, қишлоқ ва сув хўжалиги, геология, экология, атроф-муҳит муҳофазаси, транспорт ва коммуникациялар, логистика, авиасозлик, қурилиш каби соҳалар учун масъул вазирлик ва идоралари, фирма ва компаниялари раҳбарлари иштирок этди.

Франция делегациясига MEDEF International” Франция корхоналари ҳаракатининг Франция – Ўзбекистон ишбилармонлар кенгаши раиси Кристоф Фонтэн бошчилик қилди. Тадбирда, шунингдек, Ўзбекистон Республикаси Инвестициялар бўйича давлат қўмитаси раиси Азим Аҳмадхўжаев, Франциянинг мамлакатимиздаги Фавқулодда ва мухтор элчиси Виолен де Вильмор ва бошқалар иштирок этди. 

“MEDEF International” Франция корхоналари ҳаракати делегациясининг Ўзбекистонга ташрифи доирасида ташкил этилган ушбу анжуман кўп томонлама алоқаларни фаоллаштиришга, мамлакатимиз иқтисодиётининг турли тармоқларига киритилаётган сармоя ҳажмини янада оширишга хизмат қилади.

Ўзбекистон Республикаси Ташқи ишлар вазирлигининг маълумотларига кўра, 2016 йилда Франция – Ўзбекистон ўртасида ўзаро товар айирбошлаш ҳажми 264,8 миллион АҚШ долларини ташкил қилди.

– Франция Ўзбекистон билан ҳамкорликни ривожлантиришга алоҳида эътибор билан қарайди, – деди Кристоф Фонтэн. – Бизнес-форумда Франциянинг энергетика, авиасозлик, транспорт, сув хўжалиги, қурилиш, юқори технологиялар, консалтинг каби соҳаларга ихтисослашган 22 компанияси вакиллари иштирок этмоқда. Келгуси учрашувларимизда делегациямиз таркибига туризм соҳасида фаолият юритувчи соҳа мутахассисларини ҳам жалб этиш ниятидамиз. Зеро, бу соҳадаги ҳамкорликнинг ҳам истиқболи катта. Ўзбекистонда ўз фаолиятимизни янада кенгайтириш, икки томонлама алоқаларни фаоллаштиришдан манфаатдормиз.

Ўзбекистон томони мулоқот чоғида Франция тадбиркорлик субъектлари билан ҳамкорликда амалга ошириш таклиф этилаётган сармоявий лойиҳаларнинг тақдимоти бўлиб ўтди. Хусусан, Геология ва минерал ресурслар давлат қўмитаси, Қишлоқ ва сув хўжалиги вазирлиги, “Ўзметкомбинат”, “Ўзбекозиқовқатхолдинг”, “Ўзбекэнерго”, “Ўзагротехсаноатхолдинг” ва “Ўзинфоком” каби акциядорлик компанияси ва жамиятлари ходимлари томонидан мазкур тармоқларда ҳамкорлик имкониятлари кўриб чиқилди.

Франциянинг Lazard Freres, Areva Mines, SNF SAS ва Fives сингари компаниялари Ўзбекистон иқтисодиётига инвестиция киритиш имкониятларини кўриб чиқишларини билдирди.

Икки мамлакат ишбилармонлари бизнес-форум доирасидаги давра суҳбатларида атроф-муҳит, сув ресурслари ва муниципал хизматлар, ахборот технологиялари ва коммуникациялар, транспорт ва логистика, саноат, энергетика ҳамда қишлоқ хўжалиги каби соҳаларга оид ҳамкорликни янада ривожлантириш, мавжуд имкониятлардан кенгроқ фойдаланиш масалаларини атрофлича муҳокама қилди. Ўзаро манфаатли янги лойиҳаларни амалга ошириш юзасидан келишиб олинди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 6442 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 18156 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 44593 Жамият
Кун.uz офис изламоқда
15:48 / 06.08.2017 46387 Lifestyle
Балиқни саноат йўли билан овлаш учун қандай участка олиш мумкин?
Россия Ўзбекистон, Қирғизистон ва Тожикистон билан ҳарбий машғулотлар ўтказади
10:45 1501 Жаҳон
Видео: АҚШда асосчи оталар монументини йўқ қилишни исташмоқда
10:40 1976 Жаҳон
Андижон вилоятида йирик миқдорда ўғирлик қилган аёл ушланди
10:33 2736 Жамият
Неймар: «Барселона»да шундай раҳбарият бор экани жуда қайғули
10:31 3426 Спорт
Жанубий Корея президенти: АҚШ билан машқлар кескинликни оширишга йўналтирилмаган 
10:23 1065 Жаҳон
Кўпроқ янгиликлар