Ҳиллари Клинтон ўз мағлубиятига яна бир сабабни айтди, Трамп жавоб қайтарди

Жаҳон 01 Июнь 2017 15757
Фото: AP

АҚШ президентлик лавозимига собиқ номзод Ҳиллари Клинтоннинг ҳисоблашича, унинг президентлик сайловларидаги мағлубиятига ижтимоий тармоқлардаги ёлғонлар сабаб бўлган. Reuters хабарига кўра, у Калифорниядаги ахборот технологияларига бағишланган конференция вақтида Facebook’да тарқалган «ёлғон хабарлар» унинг мағлубиятига олиб келгани ҳақида гапирган.

Клинтоннинг қайд этишича, президентлик кампаниясида ижтимоий тармоқлар орқали тарқалган ёлғон маълумотлар муҳим вазифаларни бажарган, бундай хабарлар Доналд Трамп фойдасига ишлаган.

«Менинг рақибларим ёлғон билан тўлиб-тошган контентдан фойдаланишди. Мен ғалаба қозонишим ҳақида тарқатилган тахминлар қурбонига айландим», —деган Клинтон.

Клинтон у номзодини қўйган пайтда демократик партия банкротлик ёқасида бўлгани, республикачилар партияси эса турли сиёсий лойиҳаларга инвестиция киритишда кўпроқ муваффақият қозонгани ҳақида қўшимча қилган.

Собиқ давлат котибининг баёнотига уни сайловда мағлуб этган Трамп муносабат билдирган. Унинг фикрича, Клинтон хоним ўз муваффақиятсизлигини оқламоқчи бўлмоқда. «Аввалдан ростгўй бўлмаган Ҳиллари Клинтон энди ўзидан бошқа барчани айбламоқда. У ўзи жуда нўноқ номзод бўлганини тан олишни истамаяпти», — деган Оқ уй раҳбари.

2 май куни CNN телеканалига берган интервьюсида Ҳиллари Клинтон ўз мағлубиятига «ФҚБ раҳбари Жеймс Коми ва россиялик хакерлар» сабабчи бўлишгани ҳақида айтганди. Клинтоннинг фикрича, айнан россиялик хакерлар Демократик партия серверига ҳужум қилишган. У сайлов кампанияси раҳбари Жон Подеста электрон почтаси ёзишмаларининг ошкор этилишини улар зиммасига юклаган.

Унинг тахмин қилишича, Жеймс Комининг бу вазиятдаги роли Конгрессга ФҚБ Клинтонга қарши унинг  электрон ёзишмалари бўйича текширув олиб борилаётганини очиқ маълум қилганида. Клинтоннинг сўзларига қараганда, ФҚБ раҳбари Жеймс Комининг у АҚШ давлат котиби эканлигидаги ёзишмалари юзасидан янги суриштирув ўтказиш ҳақидаги 28 октябрь кунги конгрессга мактуби мағлубиятнинг иккинчи сабабидир.

«Жеймс Комининг 28 октябрдаги мактуби ва Россия WikiLeaks ҳаракатларисиз ғалаба қозонган бўлардим. Улар мен учун овоз беришга тайёр бўлган кўплаб кишилар онгида шубҳа уйғотди, оқибатда улар чўчиб қолди. Агар сайловлар 27 октябрь куни бўлиб ўтганда, мен сизнинг президентингиз бўлардим», — деганди Клинтон.

У ФҚБ собиқ директори (Жеймс Коми) ўғирланган мактублар билан боғлиқ вазият юзасидан мамнуният билан баёнотлар бериш билан бир қаторда, Трамп жамоаси ва Москва ўртасидаги келишув эҳтимоли юзасидан суриштирув олиб боришга бу каби эътибор қаратмаганлигини таъкидлаб ўтди.

У текширилмаган маълумотларни чоп этгани учун нашрларни ҳам танқид қилган. Шунингдек, сайловчилар  аёл киши Қўшма Штатлар президенти бўлишини қабул қила олмагани ҳам натижага таъсир кўрсатгани ҳақида айтиб ўтган.

WikiLeaks ўтган йилнинг 21 октябрида Клинтон штаби раҳбари Жон Подестанинг мактубларини эълон қила бошлади. Бу АҚШдаги сайловларга 2 ҳафта қолганида рўй берди. АҚШ махсус хизматлари бу ҳужум учун жавобгарликни Россия зиммасига юклаб, бу давлатни сайловларга аралашишда айблади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29046 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42077 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158014 Жамият
Кун.uz офис изламоқда
15:48 / 06.08.2017 44839 Lifestyle
Эрдўған Ғарбнинг Яқин Шарқдаги сиёсатини танқид остига олди
00:02 83 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 96 Жамият
Афғонистонда бир кун ичида 100 дан ортиқ жангари йўқ қилинди
23:34 / 20.08.2017 553 Жаҳон
Видео: Моғор организмингизга тушса, нима бўлади?
23:32 / 20.08.2017 1970 Lifestyle
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 2100 Жамият
РФПЛ. «Зенит» яна ғалаба қозонди, Афонин тўлиқ ўйнаган ўйинда «Анжи» йирик мағлубиятга учради
23:02 / 20.08.2017 495 Спорт
Кўпроқ янгиликлар