Қишлоқларда уй-жой қуриш учун Ўзбекистонга 500 миллион доллар ажратилмоқда

Иқтисодиёт 01 Июнь 2017 15095

Осиё тараққиёт банки (ОТБ) Ўзбекистонга қишлоқ жойларида уй-жой қуриш учун 500 миллион АҚШ доллари миқдорида кредит ажратилишини маъқуллаган. Ушбу пул маблағлари ОТБнинг турли ресурсларидан 500 млн. доллар ҳажмида йиғилади. ОТБ кредити Ўзбекистоннинг тўққиз вилоятида жами 29 минг турар жой қуриш имкониятини яратади.

Уйлар қишлоқ жойларида намунали уй-жой билан таъминлаш давлат дастури доирасида барпо этилади.

ОТБ томонидан айтиб ўтилган маълумотларга кўра, лойиҳани Ўзбекистон Республикаси иқтисодиёт вазирлиги бошқаради. Кредит маблағлари Ўзбекистоннинг учта банки — «Ипотекабанк», Ташқи иқтисодий фаолият Миллий банки ва «Қишлоқ қурилиш банк» томонидан қайта молияланади. «Қишлоқ қурилиш инвест» инжиниринг компанияси ҳам одатдагидек, лойиҳада иштирок этади.

ОТБ 2012–2015 йилларда ҳам қишлоқ жойларида намунали уйлар қуриш бўйича лойиҳани қўллаб-қувватлаганди. Шу давр ичида қишлоқ жойларида 41,5 мингта уй қуриб, фойдаланишга топширилди.

ОТБнинг баҳолашича, аҳоли учун арзон уй-жойларга киритилаётган инвестиция келгусида бандликка ҳам ижобий таъсир кўрсатади, чунки қишлоқ жойларида уй-жойлар қуриш дастури қўшимча 220 минг иш ўрнини яратади.

Қишлоқ жойларда арзон уй-жойлар дастури аёлларнинг манфаатини ҳам ҳисобга олади. Кутилишича, лойиҳа доирасида ажратиладиган ипотека кредитларининг 30 фоизи аёлларга тақдим этилади.

Эслатиб ўтамиз, 2016 йил октябрида 2017–2021 йилларда Ўзбекистоннинг қишлоқ жойларида ўй-жой қуриш дастури қабул қилинган эди.

Дастур доирасида 2017 йилда умумий майдони миллион квадрат метрдан ошувчи 15 мингта янги уй қурилиши режалаштирилган. Дастурнинг жорий йил учун қиймати — 700 миллион АҚШ долларидан ошмоқда. Кейинги йиллар учун параметрлар аниқлаштирилиб борилади. 2009–2016 йилларда Ўзбекистонда 70 мингга яқин уй қурилиб, фойдаланишга топширилди.

Маълумот ўрнида: Ўзбекистон 1993 йилда Осиё тараққиёт банки аъзоси бўлди. ОТБ бугунга келиб Ўзбекистонга умумий суммаси 5,7 миллиард АҚШ доллари бўлган 63 та кредит тақдим этган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар