«Ювентус» жамоаси бош мураббийи Массимилиано Аллегри «Реал»га қарши ўйинда рақибнинг қайси футболчисини майдонда кўришни истамаётгани ҳақида гапирди. 

«Ҳозирда ҳамма Иско ёки Бэйл ҳақида гапирмоқда. Аммо мен «Реал»нинг энг муҳим футболчиси сифатида Каземирони айтган бўлардим. Каземиросиз «Реал» ҳозирдаги каби ўйнай олмаган бўларди.

Айнан ушбу футболчи «Реал» ўйинига мувозанат бағишлайди. Мен унинг ҳаракатлари жамоанинг пойдевори ҳисобланади деб ҳисоблайман. Унинг техникаси жуда зўр эмас, аммо у жуда муҳим ишларни бажаради. Унинг вазифасини бошқа футболчи бажара олмаган бўларди.

Каземиро асосий таркибда туша бошлаганидан буён «Реал»да кўп нарса ўзгарди», – дея Аллегрининг сўзларини келтириб ўтган Marca нашри.

Эслатиб ўтамиз, Европа чемпионлар лигаси финали 3 июнь куни Уэльс пойтахти Кардиффдаги «Миллениум» стадионида бўлиб ўтади. Ўйинни Брих бошчилигидаги ҳакамлар бошқариб боради.