"Барселона" ҳужумчиси Лионель Месси ўзига бағишланадиган тематик боғни очишга қарор қилди. Бу ҳақда Independent нашри хабар бермоқда

Messi Experience Park деб номланувчи бу боғ Хитойда 2019 йилда пайдо бўлади. Кўнгилочар боғда 20 та аттракцион бўлади. Боғда, шунингдек, футболчининг фаолиятидаги энг яхши лаҳзаларни кўришга имкон берувчи виртуал реаллик кўзойнаклари бўлади. 

"Мен ташриф буюрувчиларга уларда йўқ бўлган тажрибани бермоқчиман ва уларни спорт билан шуғулланишга илҳомлантирмоқчиман. Умид қиламанки, улар боғда бўлганларида ёнларида мен борлигимни ҳис қиладилар", деб айтган Месси.

2016/2017 йиллардаги мавсумда Месси 55 та учрашувда иштирок этиб, 56 та гол, 11 та голли узатма муаллифига айланди.