Тадбиркор Илон Маск АҚШ президенти Дональд Трампнинг иқлим бўйича Париж келишувидан чиқиш қарори сабабли унинг маслаҳатчилари кенгашини тарк этишга қарор қилди. 

Трамп 1 июнь куни АҚШнинг ушбу келишувни тарк этишини эълон қилди. 

"Мен президент маслаҳатчилари кенгашини тарк этмоқдаман. Иқлим ўзгараётгани бу ҳақиқатдир. Париж келишувидан чиқиш Америка ва бутун дунё учун ёмондир", деб ёзган Маск твиттерда. Тадбиркор АҚШ маъмуриятидаги бир нечта маслаҳатлашув кенгашлари таркибига кирганди. Жумладан, у иқтисодиёт бўйича эксперт кенгаши ишида қатнашиб келаётганди.

Иқлим бўйича Париж келишуви 2015 йил декабрда 194 та давлат томондан имзоланган глобал иқлим бўйича илк келишувдир. У глобал исиш бўйича ҳаракатлар режасини белгилайди. Келишув қазиб олинувчи ёнилғидан воз кечиш ва карбонат ангидридни атроф-муҳитга чиқаришни чеклашни кўзда тутмайди. Бироқ келишувнинг барча томонлари чиқиндиларни камайтириш, технологик қайта қуролланиш ва иқлим ўзгаришларига мослашиш бўйича чоралар кўришлари лозим.