Машҳур академик Лео Бокерия Хоразмда маҳаллий шифокорлар учун маҳорат дарслари ўтказади

Жамият 02 Июнь 2017 3714

Ўзбекистон Республикаси Президенти Шавкат Мирзиёев жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари билан яқиндан танишиш, халқ билан мулоқот қилиш мақсадида Хоразм вилоятида бўлганда,  Республика ихтисослаштирилган кардиология марказининг Хоразм филиали фаолияти билан яқиндан танишган эди. 

Давлат раҳбари беморлар ҳолидан хабар олиб, филиал фаолиятини янада яхшилаш бўйича фикрлар билдириб, шифохона негизида Россия Федерациясининг А.Бакулев номидаги юрак-қон томир жарроҳлиги илмий-амалий маркази филиалини ташкил этиш бўйича топшириқлар берган эди. Мазкур шифохона келажакда Қорақалпоғистон Республикаси, Хоразм, Бухоро вилоятлари аҳолиси учун минтақавий марказ бўлиши кўзда тутилган.

Кун.uz’га Соғлиқни сақлаш вазирлиги ахборот хизматининг хабар беришича, шу муносабат билан жорий йилнинг 2 июнь куни Россия Федерациясининг А.Н.Бакулев номидаги юрак-қон томир хирургияси маркази директори, академик Л.А.Бокерия юртимизга навбатдаги ташрифини амалга оширди.

Ташриф давомида Россия Федерацияси Соғлиқни сақлаш вазирлиги Бош кардиохирурги Л.А.Бокерия Республика ихтисослаштирилган кардиология марказининг Хоразм филиалида бўлиб, ўзбекистонлик шифокорлар фаолияти билан яқиндан танишади. 

Мазкур шифохонада аҳолига малакали даволаш ва профилактика хизматлари кўрсатиб келинмоқда. Кардиология, кардиореабилитация, кардиохирургия, интервенцион кардиология ва физиотерапия бўлимлари, поликлиника халқ хизматида. 

Бугун фақат Хоразм вилояти аҳолисига хизмат кўрсатаётган филиал шифокорлари томонидан йилига юздан ортиқ кардиохирургик амалиётлар ўтказилаётган бўлса, минтақавий шифохона мақомини олгач, бу кўрсаткич 3-4 баробар ошиши кутилмоқда.  

Жорий йилдан Республика ихтисослаштирилган кардиология марказининг Хоразм филиалига ангиография тиббиёт ускунаси ўрнатилди. Ушбу замонавий аппарат юрак ҳолатини чуқур ўрганиш баробарида, ўпка артерияси босимини ҳам мукаммал таҳлил қилиш имконини беради. Бу билан кардиожарроҳликда энг мураккаб амалиёт ҳисобланадиган қон томирларини стентлаш жарроҳлик амалиёти, аорта коронар шунтлаш амалиёти ўтказиш учун зарур шароитлар яратилди. 
 
Жаҳон соғлиқни сақлаш ташкилотининг маълумотларига кўра, дунёда ҳар минг чақалоқнинг 6-7 нафарида туғма юрак нуқсони қайд этилади. Ваҳоланки, бу хасталикни операция йўли билан бутунлай бартараф этиш ва беморни тўлақонли ҳаётга қайтариш мумкин. Лекин бундай жарроҳлик амалиётини ўтказиш учун барча клиникаларда ҳам етарли шароит мавжуд эмас. 

Шу вақтгача Республика ихтисослаштирилган кардиология марказининг Хоразм филиалида вазни 10 килограммдан кам бўлган чақалоқларда кардиожарроҳлик амалиёти ўтказилмаган. Аммо бундай оғир хасталикка чалинган болалар қанча эрта даволанса, касалликни асоратсиз бартараф этиш шунчалик самарали бўлади. Жаҳонга машҳур илмий-амалий марказ филиали Хоразмда иш бошлаши хорижлик ҳамкасблар билан бирга шу ернинг ўзида бир ёшгача бўлган болаларда ҳам муракаб юрак жарроҳлигини амалга ошириш имкониятини беради. 

Академик Л.А.Бокериянинг Ўзбекистонга ташрифи давомида мамлакат кардиожарроҳлари учун маҳорат дарслари ва кардиожарроҳликнинг долзарб масалаларига бағишланган суҳбатлар ҳам ташкил этилди. 

Россия Федерацияси Соғлиқни сақлаш вазирлиги Бош кардиохирурги Л.А.Бокерия Ўзбекистон мутахассислари билан ҳамкорликда Хоразм вилоятида юрак-қон томир касалликларининг оғир асоратли турлари билан оғриган беморларда жарроҳлик муолажаларини ўтказади. 

Ушбу жараён беморларга саломатлигини тиклаш учун катта имконият яратган бўлса, кардиожарроҳлар учун мастер-класс ҳам бўлади. 

Россия Федерациясининг А.Бакулев номидаги юрак-қон томир жарроҳлиги илмий-амалий маркази билан ўрнатиладиган ҳамкорлик доирасида маҳаллий шифокорлар россиялик ҳамкасблари билан мунтазам тажриба алмашиш имкониятига эга бўлмоқда. Бу эса аҳоли саломатлигини янада мустаҳкамлашга, маҳаллий мутахассисларнинг юқори технологияга асосланган энг мураккаб кардиохирургик амалиётларни муваффақиятли ўтказишдаги тажрибаларини янада бойитишга хизмат қилади.

Россия Федерацияси Соғлиқни сақлаш вазирлиги Бош кардиохирурги Л.А.Бокерия шу йилнинг 4 июнига қадар Хоразм вилоятида бўлади. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 23592 Жаҳон
Кун.uz офис изламоқда
15:48 / 06.08.2017 38596 Lifestyle
Месси Рамоснинг масхаромуз ҳаракатидан кейин уни ҳақоратлади
10:36 298 Спорт
Мейвезер Макгрегор жангда оёғи билан зарба берадиган бўлса, қанча маблағни йўқотишини айтди
10:23 1729 Спорт
Видеоинтервью: Қўқон шаҳри ҳокими маҳаллий долзарб муаммоларга ўз муносабатини билдирди
Деҳқонни 1 тонна картошкага чув тушириб кетган аёл фош этилди
10:19 740 Жамият
Жанубий Корея президенти: Ярим оролда уруш бўлмайди
10:17 594 Жаҳон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 639 Lifestyle
ЕЧЛ, плей-офф. «Наполи» «Ницца»ни енгди, «Селтик» «Астана»га 5та гол урди
10:13 364 Спорт
Нью-Йоркда Трампнинг ноодатий ҳайкали ўрнатилди (фото)
10:08 2671 Жаҳон
Кўпроқ янгиликлар