Путин барча давлатларни "геосиёсий ўйинлар"га чек қўйишга чақирди

Жаҳон 02 Июнь 2017 12690
Фото: ТАСС

Россия президенти Владимир Путин жаҳон иқтисодиёти олдида узоқ муддатли ишлар кўплиги, уларнинг "геосиёсий ўйинлар" ва "фитналар"га ўрин қолдирмаслигини айтди. Бу ҳақида Путиннинг "Петербург халқаро иқтисодиёт форуми-2017"даги сўзларига асосланиб, РБК нашри хабар берди. 

Россия президенти бутун дунё "катта цивилизацион чақириқлар"га тўқнаш келаётгани, инсон фаолияти ва табиий жараёнлар натижасида "сайёра экотизимига оғирлик тушаётгани"ни таъкидлади. 

Унинг сўзларига кўра, янги технологиялар ҳаёт тарзини ўзгартириш ва янги касбларни шакллантириш билан бирга янги таҳдидларни ҳам юзага келтирмоқда. Путин бу муаммоларнинг барчаси чуқур ўрганиш ва турли мамлакатларнинг ҳамжиҳатликдаги хатти-ҳаракатларини талаб қилади, деб ҳисоблайди. 

"Биз фитналар, зиддиятлар, геосиёсий ўйинларга куч ва вақтимизни сарфлашимиз керак эмас, бунга ҳаққимиз ҳам йўқ", - деди РФ президенти. 

Унинг айтишича, дунёдаги муаммоларни ҳал қилиш учун "донолик", ностандарт қарорлар ҳамда мамлакатлараро ҳамкорликнинг янги форматларини биргаликда қидириш керак бўлади. 

"Фақат биргаликда, кучларни бирлаштирибгина ҳозирги номувофиқликни енгиб ўтиш ва жаҳон иқтисодиётининг барқарор ўсишини таъминлаш, савдо ва ҳаққоний рақобатнинг адолатли қонунларини ишлаб чиқиш, қашшоқлик даражасини пасайтириш, терроризм, минтақавий можаролар, миллатчилик ва ксенофобиянинг тарқалишига қарши курашиш мумкин", - деди Путин.

Бу муаммоларни ҳал қилиш учун Россия БМТ ва ЖССТ салоҳиятидан фаолроқ фойдаланишни, шунингдек Петербург халқаро иқтисодий форуми майдонида махсус ёшлар секциясини яратишни таклиф қилди.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53291 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 68905 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36350 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20881 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79253 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61306 Жамият
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 144 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 303 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 169 Жамият
Европа Иттифоқининг Британияда яшовчи фуқароларига депортация қилинишлари ҳақида хатлар юборилди
21:50 390 Жаҳон
Кўпроқ янгиликлар