2015 йилда олим Жесс Жонсон томондан очилган Жонсон кометаси Ердан хавфли яқинликда учиб ўтади. Уни 4 июнь куни биноклда Ҳўкизбоқар юлдузлар туркумида кузатиш мумкин бўлади.

Комета Ерга яқинлашадиган 122 млн километрлик масофа астрономик ўлчамларга кўра жуда кичик қийматдир. Бундай яқинлик ҳисобига кометани қуролланмаган кўз билан ҳам кўриш мумкин бўлади. Комета Қуёшга яқинлашганда Катта Айиқ юлдузлар туркумидаги юлдузлардан ёрқинроқ бўлади. Унинг ёрқинлиги июнь бошида +7 юлдуз бирлигига етади. Таққослаш учун, Катта Айиқ юлдузларининг ёрқинлиги +2 юлдуз бирлигини ташкил қилади. Комета гиперболик орбитага эга.  

Таъкидланишича, кометани 12 июнгача кузатиш мумкин бўлади. Кометани уфқдан юқорида осмоннинг жанубий қисмида кўриш мумкин бўлади.

"Июннинг биринчи ярмида C/2015 V2 (Жонсон) кометаси Ҳўкизбоқар юлдузлар туркумида Арктур яқинида яшилсимон юлдуз ҳолатида кўринади. Шимолий ярим шарнинг ўрта кенгликларида бутун тун давомида кометани бинокль ва ҳаваскорлар телескопида кузатиш мумкин бўлади", деб маълум қилинди Москва планетарийсида.