Ўзбекистон Республикаси Президенти Ш.М.Мирзиёевнинг 20 май куни Тошкент шаҳрининг Шайхонтоҳур туманига қилган ташрифлари жараёнида туманда аҳолига малакали тиббий-санитария ёрдами кўрсатиш бўйича намунали туманга айлантириш таклифи киритилди.

Ушбу таклифни амалга ошириш, аҳолига кўрсатилаётган тиббий ёрдам сифатини ва самарасини янада яхшилаш, шифокор қабулига кириш учун навбатларнинг олдини олиш, касалликларни эрта аниқлаш ва патронаж ишларини ўз вақтида мақсадга мувофиқ равишда ташкил этиш учун Туман тиббиёт бирлашмаси томонидан тиббиёт ходимларининг ташриф қоғозлари  ишлаб чиқилди.

Ташриф қоғозларида:

- аҳоли томонидан ўз фикр ва таклифларини билдириш мақсадида оилавий поликлиникалар бош шифокорининг телефон рақамлари;
- беморларни олдиндан шифокор қабулига ёзилишларини қайд этиш телефон рақами;
- аҳоли билан ҳудуд шифокори ва оила ҳамширалари билан узвийликни янада яхшилаш мақсадида уларнинг телефон рақамлари;
- 103 тез тиббий ёрдам хизматидан фойдаланишда аҳолига қулайликлар яратиш мақсадида уларнинг телефон рақамлари кўрсатиб ўтилган.