Чилида 1974 йил 17 июнда ва 1975 йил 6 январда Сўл инқилобий ҳаракатнинг 16 аъзосини ўғирлаганлик ва ноқонуний ҳибсга олганлик учун 106 киши судланди. Гап мамлакатнинг собиқ диктатори Аугусто Пиночетнинг махфий полицияси DINA аъзолари ҳақида кетмоқда.
 
Сантьяго шаҳри суди уларни турли муддатларга: 1,5 йилдан 20 йилгача озодликдан маҳрум қилди. Энг катта жазо муддатларини истеъфодаги генераллар Сесар Манрикес Браво, Рауль Итурриага Неуманн, махфий полициянинг собиқ бригадирлари Педро Октавио Эспиноса и Мигель Краснов олдилар. Таъкидланишича, Краснов рус казаклари атамани ва СС бригаденфюрери Пётр Красновнинг авлоди ҳисобланади.

Одамлар "Кондор" операциясининг бир қисми ҳисобланган "Коломбо" операцияси давомида ўғирланганлар. Бу операция давомида Лотин Америкасидаги диктаторлик тузумлари ўзларининг сиёсий рақибларини жисмонан йўқ қилганлар. Ўғирланган одамлар махфий турмаларга жойлаштирилганлар. Шундан кейин ҳеч ким уларни на тирик, на ўлик ҳолда кўрган.