Ҳиндистондаги Уттаракханд штатининг олий суди Ганг ва Ямуна дарёларини юридик шахслар ва тирик жонзотлар деб тан олди, деб хабар бермоқда AP ахборот агентлиги. 

Суд бу дарёлар "барча ҳуқуқ ва мажбуриятларга эга бўлган қонуний шахслар мақомига эга бўлган юридик шахслар ва тирик жонзотлар" ҳисобланиши ҳақида ҳукм чиқарди. 

Шу тариқа, энди бу дарёларнинг ифлосланиши тирик жонзотга етказилган зарардек таснифланади. 

Уттаракханд штати ушбу дарёлар бошланадиган Ҳимолой тоғларида жойлашган. Бу дарёларнинг ифлосланиши ва соҳилларининг босиб олиниши штат учун катта муаммо ҳисобланади.