«Арсенал» «Монако» ҳужумчиси Килиан Мбаппени қўлга киритиш фикридан чекинмоқчи эмас.

Mail on Sunday хабарига кўра, аввалроқ 100 миллион евролик таклифи рад этилган лондонликлар клуби, эндиликда ушбу 18 ёшли футболчи учун энди 100 миллион фунт (115 млн евро) таклиф этмоқда.

Шунингдек, футболчига 230 минг фунт (265 минг евро) миқдорида ҳафталик маош тўлаш кўзда тутилган, бу эса айни вақтда жамоада энг кўп маош оладиган Месут Ўзилнинг маошидан 1,5 баравар кўпни ташкил қилади.

Бундан олдинроқ «Реал» ва «Манчестер Сити» «Монако»га ушбу футболчи учун 130 миллион евролик таклифларни берган, монегасклар бу таклифларга рад жавоби қайтарган. Футболчига «Ювентус», «Ливерпуль» ва «ПСЖ» клубларидан ҳам қизиқиш мавжуд.

Якунланган мавсумда Мбаппе  монегаскликлар жамоаси сафида барча турнирлар доирасида 44 учрашувда майдонга тушиб, 26 гол урди.

Мбаппе мухлиснинг уни «Арсенал»га олиб келиш ҳақидаги твитига лайк босди