13:52 / 05.06.2017
3574

Avstraliya bosh vaziri messenjer ishlab chiqaruvchilarini maxsus xizmatlar bilan kodlarni bo‘lishishga chaqirdi

Foto: Getty Images

Avstraliya bosh vaziri Malkolm Ternbull terrorizmga qarshi kurash mashhur dastur-messenjerlar ishlab chiqaruvchi kompaniyalardan maxsus xizmatlarga o‘z mahsuloti kodini taqdim etishni talab qilmoqda. 

Dushanba kuni jurnalistlarning Londondagi teraktlarga doir savollariga javob berar ekan, Avstraliya hukumati rahbari shunday dedi: "Bugun milliardlab kishilar WhatsApp va Messanger kabi dasturlar yordamida shifrlangan trafiklardan foydalanadi. Ushbu dasturiy ta'minot ishlab chiqaruvchi kompaniyalarning hamkorligi kerak. Bizning xavfsizlik xizmatlarimiz bunday xabarlarga kirish imkoniga ega bo‘lishi kerak". 

Ternbull shuningdek Britaniya bosh vaziri Tereza Meyning "ijtimoiy tarmoqlardagi ekstremistik materiallarga haddan ziyod chidamli" ekani borasidagi fikriga roziligini bildirdi. "Bu masalada Facebook va Twitter kabi yetakchi ijtimoiy platformalar bilan hamkorlik talab qilinadi", - deya ta'kidladi Avstraliya bosh vaziri. 

Top