Ҳиндистон ва Покистонга Шанхай ҳамкорлик ташкилотида тўлақонли аъзоликни тақдим этиш жараёнининг якунланиши унинг нуфузини мустаҳкамлайди. Бу ҳақда Хитой ТИВ раҳбари ёрдамчиси Ли Хуэйлай маълум қилди.

"Ҳиндистон ва Покистон ташкилотга қўшилиш жараёнини якунлашмоқда ва унинг аъзоларига айланишади, - деди у. – Бу ШҲТнинг нуфузи мустаҳкамланиши ва унинг дунёдаги таъсир даражасининг ортишига олиб келади".

Ли Хуэйлайнинг қўшимча қилишича, дунёдаги беқарор вазият, жаҳон иқтисодиётининг ўсиш суръатлари пасайиши ва террорчилик таҳдидининг ошиши туфайли ташкилотда “ривожланишнинг янгича имкониятлари ҳам, чақириқлар ҳам” бор.

Хитой ТИВ раҳбари ёрдамчисининг сўзларига кўра, Эрон ҳам ШҲТнинг тўлақонли аъзосига айланиши даркор.

"Эрон ШҲТда кузатувчидир, тадбирларда иштирок этади ва ташкилот ишига фаол ҳисса қўшди. Хитой бунга ижобий баҳо беради, шунингдек, унинг тўлақонли аъзоликка киришини маъқуллайди ва қўллаб-қувватлайди", - дея маълум қилди у.

Ли Хуэйлайнинг таъкидлашича, Эрон “ШҲТ қоидалари ва ташкилотга аъзо мамлакатлари келишувларига мувофиқ” ШҲТда тўлақонли аъзоликни олиши мумкин.

Кутилишича, 8-9 июнь кунлари Остона шаҳрида бўлиб ўтадиган ШҲТ саммитида Ҳиндистон ва Покистонга тўлақонли аъзолик тақдим этилиши эҳтимолга яқин.