Qatar diplomatik aloqalar uzilishiga o‘z munosabatini bildirdi

Qatarning fikricha, Bahrayn, Saudiya Arabistoni va BAAning Doha bilan diplomatik aloqalarni uzish borasidagi qarori to‘g‘ri emas. Bu haqda mamlakat TIV bayonotida aytiladi.

«Doha aloqalarni uzish haqidagi qarordan afsusda va bu chorani asoslanmagan fikrlarga tayangan hamda to‘g‘ri emas, deb hisoblaydi» - deya Qatar diplomatik idorasi bayonotidan iqtibos keltirgan Al Mayadeen telekanali.

Shuningdek, TIVda ta'kidlashlaricha, ushbu choralar amirlik aholisi hayotiga hech qanday ta'sir ko‘rsatmaydi.

Avvalroq Bahrayn, Saudiya Arabistoni, Misr va BAA Qatar bilan diplomatik munosabatlarni uzganliklari haqida ma'lum qilishdi.

Tayyorlagan: Отабек Матназаров

#Saudiya Arabistoni #BAA #Qatar #Bahrayn

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.