Москвадаги жорий май ойи 21-асрдаги энг совуғи бўлди. Бу ҳақда Россия Гидрометцентрида маълум қилинди. 

"Москвада май ойи 21-асрдаги энг совуғи бўлди, ҳарорат (10,9 градус) меъёрдагидан 2,2 градусга паст бўлган", деб таъкидланди метеохизматда. Май ойида Москвага 84 мм лик ёғингарчилик тушди, бу эса меъёрдагидан 164 фоиз кўпроқни ташкил қилган. Умуман олганда, Москвада баҳор фасли илиқ март ойи ҳисобига меъёрга яқин бўлди. 

Ёғингарчилик миқдори бўйича 2017 йилги баҳор Москвада энг сернами бўлди, баҳорнинг 3 ойида ҳам ёғингарчилик меъёрдан кўп бўлди. Умуман Россия бўйича баҳорда ўртача ҳарорат энг юқори кўрсаткичларнинг биринчи поғонасини эгаллади. У бу борада 2014 йил баҳоридаги кўрсаткични қайтарди.  

Жорий йилдаги ноодатий илиқ март Россиянинг Европа қисмида салқин апрель билан, сўнгра совуқ май билан алмашди. Уралда бутун баҳор жуда илиқ бўлди, ўртача ҳарорат бу ерда 4-6 градусга етган.

Узоқ Шарқ шимолида ўтган баҳор унинг тарихидаги энг илиғи бўлди, жануби ва Сибирда эса энг илиқ ҳароратлар учталигига кирди.

Ўтган баҳо Хитой, Ўрта Шарқ, Ғарбий Европа, Африка шимоли-ғарбида, АҚШ жануби-ғарбида ва Мексика шимолида ҳам ноодатий илиқ бўлди. Бу ҳудудларда ҳаво ҳарорати меъёрдагидан 2 градусга ва ундан кўпроққа илиқроқ бўлди. Шимолий яримшарда баҳордаги ўртача ҳарорат фақатгина 2016 йилги кўрсаткичдан пастроқ бўлди.