Орландодаги оммавий қотилликда 6 киши ҳалок бўлди

Жаҳон 05 Июнь 2017 6949
Фото: AP Photo / John Raoux

АҚШнинг Орландо шаҳри полицияси шаҳардаги офис биноларидан бирида 5 июнь эрталаб отишма содир этган эркакнинг шахсини маълум қилди. Отишма оқибатида қотилнинг ўзи билан бирга 6 киши ҳалок бўлган.

Маҳаллий шерифнинг маълум қилишича, маҳаллий вақт билан соат 08:03да отишма ҳақида хабар олинган. Полициячилар хабар олингач, дарҳол воқеа жойига отланганлар.   

"4 киши дарҳол ҳалок бўлган. Яна бир киши шифохонада вафот этган", деб айтилди полицияда.

Қотил 45 ёшли эркак бўлиб, у ўзини ҳам ўлдирган. Қурбонлар орасида бир аёл бор.

Аниқланишича, қотил бинода жойлашган компаниядан бўшатилган бўлган. "У тахминан апрель ойида ишдан бўшатилган", деб маълум қилди шериф. 

Полиция воқеа тафсилотларини ўрнатиш учун қотилнинг отишмада омон қолган собиқ ҳамкасбларини сўроқ қилишни бошлаган.

Кўпроқ янгиликлар