УЕФА 2016/17 йилги мавсум якунларига кўра Чемпионлар лигаси рамзий терма жамоасини маълум қилди.

Таркиб икки дарвозабон, 5 ҳимоячи, 6 ярим ҳимоячи ва 5 ҳужумчидан иборат. Август ойида улардан 11 нафари саралаб олинади, турнирнинг энг яхши футболчиси ҳам августда эълон қилинади.

Эътиборли жиҳати, таркибда финалда «Ювентус»ни 4:1 ҳисобида енгиб, қаторасига иккинчи йил ЕЧЛ ғолиби бўлган «Реал»дан 8 нафар футболчи бор.

Дарвозабонлар: Жанлуиджи Буффон («Ювентус»), Ян Облак («Атлетико»).

Ҳимоячилар: Леонардо Бонуччи («Ювентус»), Серхио Рамос, Марсело, Дани Карвахал (барчаси – «Реал»), Диего Годин («Атлетико»).

Ярим ҳимоячилар: Каземиро, Тони Кроос, Лука Модрич, Иско (учаласи – «Реал»), Миралем Пьянич («Ювентус»), Тьемуэ Бакайоко («Монако»).

Ҳужумчилар: Криштиану Роналду («Реал»), Лионель Месси («Барселона»), Антуан Гризманн («Атлетико»), Килиан Мбаппе («Монако»), Роберт Левандовски («Бавария»).