Россияда чоп этилувчи The New Times журналининг бош муҳаррири Евгения Альбац нашрнинг босма версияси ёпилишини эълон қилди. У тафсилотларни келтирмади ва бунинг сабаблари журналнинг июндаги сони саҳифаларида маълум қилинишини айтди. 

Альбац фесйбукдаги саҳифасида журнал муқовасининг суратини чоп этди. Муқовада "Биз билан бўлганингиз учун раҳмат" деб ёзилган. Албац "Открытая Россия" жамоат ташкилотига берган изоҳда нашрда маблағ тугаганини айтган.

"Эхо Москва" радиостанциясининг маълум қилишича, журналнинг босма шакли молиялашдаги муаммолар сабабли ёпилган. Радиостанциясининг таъкидлашича, агар журнал таҳририяти маблағ топа олса, журнал яна чоп этила бошланиши мумкин.

The New Times журнали (аввалги "Новое время") 2007 йилдан чоп этила бошланган. 2016 йил декабрда таҳририят етарлича маблағлар йўқлиги сабабли журналнинг янги сонларини фақат обуна бўйича етказишга қарор қилган. Ўшанда журналнинг бош муҳаррири жорий обуна ҳолати журналга баҳоргача мавжуд бўлишга имкон беришини айтган.  

2016 йил февралда журнал Роскомнадзордан Украинанинг "Ўнг сектор" гуруҳи ҳақида у Россияда тақиқланганини кўрсатмасдан эслатгани учун огоҳлантириш олганди. 2017 йил май ойида журнал Сурияга жангарилар сафида жанг қилгани кетган россиялик ҳақидаги мақола учун яна огоҳлантириш олганди.