Тўрт араб давлати Қатар билан дипломатик алоқаларни узди

Жаҳон 05 Июнь 2017 40112

Саудия Арабистони, Миср, Баҳрайн ва Бирлашган Араб Амирликлари минтақани беқарорлаштираётганликда айблаб, Қатар билан дипломатик алоқаларни узди, деб хабар беради Би-би-си.

Бу мамлакат ҳукуматлари Қатар террорчилик гуруҳларини, жумладан «Мусулмон биродарлар»ни қўллаб-қувватлаб келаётганини таъкидлаган.

Саудиянинг SPA давлат ахборот агентлиги Ар-Риёд Қатар билан ҳаво чегараларини ҳам ёпган ва барча ерусти, денгиз ва ҳаво қатновларига чек қўйган.

Агентлик расмий шахслардан иқтибос келтириб, унга кўра бу чоралар «миллий хавфсизликни терроризм ва экстремизм хавфидан ҳимоя қилиш учун» амалга оширилганлигини эълон қилган.

Миср ҳам, шунингдек, Қатар билан денгиз ва ҳаво қатновларини бас қилган, деб хабар беради мамлакат ташқи ишлар вазири.

БАА эса қатарлик дипломатларга мамлакатни тарк этиш учун 48 соат ажратган. Абу-Даби Қатарни терроризм, экстремизм ва секта ташкилотларини молиялаштиришда айблаган, дея хабар беради WAM давлат ахборот агентлиги.

Баҳрайн давлат янгиликлар агентлигининг хабар беришича, мамлакат Баҳрайннинг ички ишларига аралашганлиги ва Қатар томонидан минтақада хавсизлик ва барқарорликка таҳдид солинаётгани учун дипломатик алоқаларни узган.

Ямандаги Хуту вилоятида айирмачилар билан курашаётган Саудия Арабистони бошчилигидаги коалиция ҳам Қатарни альянсдан чиқариб юборган ва буни Доҳа «террорчиликни амалда қўллаётгани ва мустаҳкамлаётгани»дан ташқари, унинг «Ал-Қоида», ИШИД каби ташкилотларга хайрихоҳ бўлаётгани ва айирмачилар билан алоқалари борлиги билан тушунтирган, деб хабар беради Саудиянинг SPA агентлиги.

Тўрт йирик нуфузли араб давлати билан дипломатик алоқаларнинг узилганлигига Доҳа ҳозирча расмий реакция билдирмаган. Илгарироқ Қатар ҳукумати терроризмга хайрихоҳлик  айбловларини рад этиб, унга нисбатан туҳмат кампанияси ўтказилаётганини баён қилган эди.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53520 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69090 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36429 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20935 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79412 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61353 Жамият
Терракота армияси яратилиши сири очилди
22:33 89 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 422 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 403 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 206 Жамият
Кўпроқ янгиликлар