Ўзбекистон терма жамоаси ва «Локомотив» клуби собиқ бош мураббийи Вадим Абрамов Фарғонанинг «Нефтчи» клубини бошқариши ҳақида хабар бергандик. Бугун 5 июнь куни Абрамов Фарғонага етиб келди.

«Нефтчи» клуби ҳақида маълумот берувчи телеграм саҳифасида ёзилишича, Вадим Абрамов бугун клуб қарорғоҳи га етиб келган. Таниқли мутахассис Вадим Абрамов «Нефтчи» ПФК қароргоҳига келди! Мураббийни клуб раҳбарияти ва мухлислар биргаликда қарши олишди. Фарғоналик мухлислар Вадим Карленовични катта хурсандчилик билан кутиб олдилар. Вадим Абрамов бу илиқ муносабатдан мамнун эканлигини яширмади», - деб ёзади «Нефтчи» Медиа» телеграм канали.

Каналда Абрамовнинг қарорғоҳда мухлислар, клуб вакиллари билан учрашуви тасвири туширилган суратлар ва видео пайдо бўлган.