Афғонистоннинг Ҳирот шаҳрида юз берган портлаш оқибатида камида 10 киши ҳалок бўлди. Бу ҳақда Al Jazeera полицияга таянган ҳолда хабар берди.

Таъкидланишича, портлаш полиция бошқармаси ва 1200-йилда қурилган Жума масжид ёнида рўй берган.

Аниқлик киритилишича, портловчи қурилма рикша аравасига ўрнатилган бўлган.

“Толибон” ҳаракати вакиллари ушбу ҳодисага алоқалари йўқ эканини иддао қилишган.

Аввалроқ Афғонистон президенти Ашраф Ғани Кобул шаҳрида 31 май куни юк машинаси портлатилиши орқали содир этилган теракт оқибатида қурбон бўлганлар сони 150 кишини ташкил қилгани ҳақида маълум қилганди.