Лондон мэри Трампнинг Британияга давлат ташрифини бекор қилишни таклиф қилди

Жаҳон 06 Июнь 2017 6362

Лондон мэри Содиқ Хон АҚШ президенти Дональд Трампнинг жорий йилнинг куз мавсумига белгиланган давлат ташрифини бекор қилишни таклиф қилди. Бундай баёнотга Лондондаги терактлардан кейин Оқ уй раҳбарининг шаҳар мэрини танқид қилган қатор твитлари сабаб бўлди. Daily Telegraph шу ҳақидаги хабари билан бўлишди. 

"АҚШ президентининг сиёсати биз ҳимоя қилаётган барча жиҳатларга қарши бўлиб турган шароитларда унинг пойига қизил гилам тўшашимиз керак, деб ўйламайман", - деди Хон. Шу билан бирга Лондон мэри бу икки мамлакат ўртасидаги алоҳида аҳамиятга эга бўлган ҳамкорликка зиён етказади деб ҳисобламайди. "Муносабатларингиз алоҳида аҳамиятга эга бўлганда, бу яқин дўстингиз билан бўлган вазиятдан фарқ қилмайди - сиз у билан синов давридасиз, лекин у ҳақ бўлмаган вазиятда уни танқид қиласиз. Дональд Трамп ноҳақ бўлган вазиятлар кўп", - қўшимча қилди у. 

Буюк Британия ташқи ишлар вазири Борис Жонсон эса бунга қарама-қарши позицияни ёқламоқда. 

"Таклифнома йўллаб бўлинган ва қабул қилинган, уни қайта кўриб чиқишнинг ҳожати йўқ деб ўйлайман", - деди Жонсон. "У (Хон) ўз шаҳри аҳолисини тинчлантириб, кўчаларда қуролланган полициячилар юрганидан огоҳлантириб, мутлақо тўғри иш қилган", - дея пойтахт мэрини қўллаб-қувватлади Британия ТИВ раҳбари. 

Ҳаммаси 4 июнга ўтар кечаси содир этилган терактдан кейин бошланди - Хон Бирлашган Қироллик аҳолисига шундай мурожаат билан чиқди: "Лондонликлар ва улуғ шаҳримиз меҳмонларига огоҳлантириш - хотиржам ва ҳушёр бўлинг. Сиз бугун полициячилар, шу жумладан қуролланган ходимларнинг кўпайганини кўришингиз мумкин. Бундан хавотирланишга ўрин йўқ". 

Бир неча соатдан кейин Трамп Twitter'да Хоннинг сўзларини танқид қилиб чиқди. "Терактда камида 7 киши ҳалок бўлди, 48 нафари жароҳатланди, Лондон мэри эса "хавотирга ўрин йўқ" дейди-я", - деб ёзди АҚШ президенти. "Сиёсий жиҳатдан тўғри йўл тутиш борасида қайғуришдан кўра, фуқаролар хавфсизлигини таъминлаш билан шуғулланиш мақсадга мувофиқдир. Агар ақлни ишлатмасак, бундан-да баттар бўлиши мумкин", - қўшимча қилди Трамп бошқа бир твитида. 

Душанба куни Оқ уй раҳбари Содиқ Хоннинг баёнотларида "аянчли баҳоналар"ни кўриб, уни яна танқид остига олди. Буюк Британия бош вазири Тереза Мэй Хонни ҳимоя қилди, Британия пойтахти мэрияси эса Хоннинг АҚШ президенти танқидларига жавоб қайтаришдан-да муҳимроқ ишлари борлигини маълум қилди.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53626 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65581 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161209 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26957 Жамият
Россияда террорчилар учун асосий нишон нима экани айтилди
18:26 47 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 51 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 494 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 972 Жаҳон
Кўпроқ янгиликлар