Оқ уй 2017 йилнинг мартида Россиянинг нефть секторига нисбатан санкцияларни бир томонлама енгиллаштириш имкониятини ўрганиб чиққан. Бунга сабаб – Россия компаниялари томонидан нефть қазиб олиш ҳажмининг пасайиши АҚШ иқтисодиётига зарар келтираётганида. Бироқ, Давлат департаменти бу ташаббусни рад этган.

Бу ҳақда The Daily Beast америкалик собиқ амалдорлар ва ўрганиб чиқилган ёзишмаларга асосан маълум қилди.

Таъкидланишича, Давлат департаменти ходимлари Америка раҳбариятини, санкцияларни олиб ташлаш АҚШ энергетикасига зарар етказишига ишонтиришган.

Портал манбаси маълумотларига кўра, АҚШ миллий хавфсизлик Кенгашининг таҳлилчиси Кевин Харрингтон чекловлар эффектини ўрганиб чиққан ҳамда уларда мантиқ йўқ экани ҳақидаги хулосага келган.

«Унинг нуқтаи назари шундай эди: агарда бу санкциялар бизнинг иқтисодиётимизга зарар келтираётган ҳамда Россияга минимал босим кўрсатаётган бўлса, унда мантиқ қаерда?» - дея аниқлик киритди манба.

Икки нафар собиқ амалдор маълумотига кўра, Давлат департаменти бу мурожаатни АҚШ президенти Дональд Трампнинг Россия билан эҳтимолий алоқалари фонида шубҳали, деб топган. 

Таъкидланишича, санкцияларни олиб ташлаш ҳақидаги мунозаралар Майкл Флинн миллий хавфсизлик бўйича маслаҳатчи лавозимидан бўшатилганидан сўнг бошланган.