2017-2018 ўқув йилида ОТМларга қабул квотаси 14 фоизга оширилди

Жамият 07 Июнь 2017 14872
Фото: ЎзА

Бугун, 7 июнь куни Халқаро Пресс-клубда Ўзбекистон олий таълим тизимида олиб борилаётган ислоҳотлар ва 2017-2018 ўқув йили учун абитуриентлар қабулига бағишланган анжуман ўтказилди. Унда Олий ва ўрта-махсус таълим вазири биринчи ўринбосари Иномжон Мажидов, Вазирлар Маҳкамаси ҳузуридаги Давлат Тест Маркази директори Мажид Каримов, Мирзо Улуғбек номидаги Ўзбекистон Миллий университети ректори Авазжон Мараҳимов, Ислом Каримов номидаги Тошкент Давлат техника университети ректори Садриддин Туробжонов, Тошкент тиббиёт академияси ректори Лазиз Тўйчиев, Тошкент давлат юридик университети ўқув ишлари бўйича проректори Мансурхон Камоловлар чиқиш қилишди. 

Анжуманда иштирок этган "Кун.уз" ходимига кўра, унда Ҳаракатлар стратегиясига асосланиб, Президент томонидан 2017 йил 20 апрелдаги 2909-сонли "Олий таълим тизимини янада ривожлантириш чора-тадбирлари тўғрисида"ги қарор қабул қилингани ҳамда унинг моҳияти алоҳида қайд этилди. Олий ўқув юртлари олдига жаҳоннинг етакчи илмий-таълим даргоҳлари билан ҳамкорлик алоқаларини ўрнатиш, минтақа талаблари ва кадрлар тайёрлаш орасидаги алоқани муносиб таъминлаш, педагог кадрларнинг касб маҳорати сифати ва савиясини узлуксиз юксалтириш, ОТМ илмий салоҳиятини мустаҳкамлаш каби масъулиятли вазифалар қўйилгани маълум қилинди. 

Таъкидлаш жоизки, дастур қабул қилиниши орқали ОТМларга қабул квоталарини 18 фоизга ошириш ва ОТМлар ўқув дастурига камида 350 нафар юқори малакали мутахассис, ўқитувчи ва олимларни жалб қилиш кўзда тутилган. Қабул квотасининг кенгайиши барча олий таълим муассасаларида босқичма-босқич амалга оширилиши қайд этилди.

Шу йилнинг 5 май куни Президент Шавкат Мирзиёев томонидан 2955-сонли "2017/2018 ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида"ги қарор қабул қилинди. Мазкур ҳужжатда бир қатор янгиликлар мавжудлиги таъкидланди. Жумладан, қабул квотаси ўтган йилга нисбатан деярли 10 мингтага (14 фоизга), 57 907 дан 66 316 тага кўпайтирилгани маълум қилинди. Шунингдек тўлов-шартнома пулининг оширилган ставкаси бўйича қўшимча қабул жорий этилиши айтилди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70875 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36977 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21397 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80785 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61796 Жамият
Бразилияда бортида 70 киши бўлган паром чўкиб кетди
00:20 114 Жаҳон
Германиядаги йўл-транспорт ҳодисасида 44 руминиялик жабрланди
00:17 64 Жаҳон
Ўзбекистонлик иқтисодчи халқаро танловда ғолиб бўлди
23:30 / 23.08.2017 1134 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 735 Жаҳон
Франсуа Олланд сиёсатдан кетмаслигини маълум қилди
23:22 / 23.08.2017 471 Жаҳон
Кўпроқ янгиликлар