Amerikaning birdaniga uchta harbiy samolyoti Rossiya chegaralariga qarab uchdi

AQSh HHKning birdaniga uchta harbiy samolyoti chorshanba kuni ertalab Buyuk Britaniyadagi bazadan Boltiq dengizi janubidagi Rossiya chegaralariga qarab uchib ketdi. Bundan harbiy aviatsiya harakatlanishini kuzatib turuvchi g‘arb saytlari ma'lumoti darak bermoqda.

Ma'lumotlarga ko‘ra, Kaliningrad viloyati bilan chegaraga yadro qurolini o‘zida olib ketish imkoniyatiga ega V-52 strategik bombardimonchi samolyoti va ikkita RC-135 strategik josuslik samolyoti parvoz qilgan.

6 iyun kuni Rossiyaning Su-27 qiruvchisi Amerikaning V-52 strategik bombardimonchisini tutish uchun havoga ko‘tarilgandi. AQSh samolyoti Boltiq dengizining neytral suvlari ustida, Rossiya bilan chegara bo‘ylab parvoz qilgan.

Dushanba, 5 iyun kuni esa Boltiq dengizi mamlakatlari va Polshada AQShning Saber Strike har yilgi mashqlari boshlandi.