Америкалик терговчиларнинг фикрича, рус хакерлари Қатар давлат ахборот агентлигига ҳужум қилишган ва АҚШнинг Форс кўрфази ҳудудидаги яқин иттифоқчилари ўртасида инқироз пайдо бўлишига олиб келган сохта хабарни эълон қилишган. Бу ҳақда CNN америкалик амалдорларга асосан хабар берди.

Хабарга кўра, ФҚБ Доҳага Қатар ҳукуматига хакерлар иштирокидаги ҳодисани суриштиришда ёрдам кўрсатиш учун тергов гуруҳини жўнатган.

«АҚШ хавфсизлик хизматлари томонидан йиғилган маълумотлар, Қатар ҳукумати икки ҳафта аввал илк бора маълум қилган ҳужумга рус хакерлари алоқадор эканини кўрсатди», - дея хабар берди телеканал.

Қатарнинг Вашингтондаги элчихонасининг хабар беришича, тергов давом этмоқда, унинг натижалари яқин орада эълон қилинади.

Май ойида қатор давлатлар Қатарнинг Эрон ҳақидаги ижобий кайфиятдаги ва АҚШ президенти Дональд Трамп танқид қилинган янгилигини тўсиб қўйишгани маълум қилинганди. Қатарда маълум қилишларича, бу янгиликлар хакерлик ҳужуми туфайли эълон қилинган, ҳамда шу сабабдан ҳақиқий эмасдир.