Охирги маълумотларга кўра, Эрон парламенти биносида юз берган отишма натижасида етти киши ҳалок бўлди.

Бу ҳақда Tasnim агентлиги хабар берган.

Шунингдек, тўрт нафар инсон гаровда экани маълум қилинди.

7 июнь куни эрталаб номаълум шахслар Эрон парламентида ўт очишди. Аввалроқ бир киши ҳалок бўлгани ҳақида хабар берилди.

Кейинчалик Теҳрондаги имом Хомейни мақбарасида ҳам отишма юз бергани ҳақида маълумотлар пайдо бўлди.