Филиппин ҳукумати мамлакат фуқароларига Қатарга ишлаш мақсадида боришни тақиқлаб қўйди.

CNN’нинг хабар беришича, тақиқ минтақадаги вазиятга ойдинлик киритилмагунга қадар амал қилади. Ушбу фармон яқинда ишга ёлланган ёки ватанига қайтаётган инсонларни қамраб олади.

Шу билан бирга, Филиппин ҳукумати Қатарда бўлиб турган 140 минг нафар филиппинлик ишчилар тақдиридан ташвишда. Бу хавотир араб мамлакатларнинг эҳтимолий блокадаси билан боғлиқ – шу сабабдан озиқ-овқат етишмовчилиги юзага келиши мумкин.

Аввалроқ, қатор ОАВ Қатар аҳолиси озиқ-овқат маҳсулотлари, ичимлик сувини ваҳимада сотиб ола бошлагани ҳақида хабар тарқатганди. Бу қатор давлатлар билан дипалоқалар узилгани туфайли рўй берган.