Forbes дунёнинг энг қиммат футбол клуби номини маълум қилди

Спорт 07 Июнь 2017 37072

«Манчестер Юнайтед» Forbes талқинига кўра, дунёнинг энг қиммат футбол клуби, деб эътироф этилди. Forbes ҳисоб-китобларига қараганда, Манчестер жамоасининг қиймати 3,69 млрд долларга тенг. 

Forbes нашри дунёнинг энг қиммат футбол клублари рейтингини эълон қилган. Унда сўнгги тўрт йил давомида Мадриднинг «Реал»и етакчилик қилганди, бироқ, сўнгги мавсум якунларига кўра, «Манчестер Юнайтед» биринчиликни ўз қўлига олди. Forbes фикрича, иккинчи ўринда қайд этилган «Барселона»нинг қиймати 3,64 млрд. долларга, учинчи ўриндаги «Реал»ники эса 3,58 млрд. долларга тенг.

Шуни таъкидлаб ўтиш жоизки, Forbes ҳисоб-китоблари турли саволларни туғдирмоқда. Сабаби, «Реал» ёки «Барселона»ни харид қилиш умуман имконсиздир (жамоалар клубларга, яъни кишиларнинг манфаат бўйича бирлашмаларига тегишли). Бироқ, рейтинг тузувчиларига манчестерликларнинг молиявий кўрсаткичлари таъсир кўрсатган бўлиши ҳам мумкин. Бундан ташқари, жамоа Европа лигасида зафар қучди ва кейинги мавсумда ЕЧЛда қатнашади. «Манчестер Юнайтед» фақатгина реклама ва ҳомийлик шартномалари ҳисобидан 405 млн. доллар ишлаб олди, бу исталган бошқа жамоа натижасидан кўп. Шу билан бирга, манчестерликларнинг операцион даромади 288 млн. долларни ташкил этди - «Реал»дан 107 млн. долларга кўпроқ. Бу мадридликлар ЕЧЛда ғолиб бўлишгани қарамай юз берди.

Топ-10ликдан шунингдек,

«Бавария» (Германия) — 2,71 млрд доллар,

«Манчестер Сити» (Англия) — 2,08 млрд,

«Арсенал» (Англия) — 1,93 млрд,

«Челси» (Англия) — 1,85 млрд,

«Ливерпуль» (Англия) — 1,49 млрд,

«Ювентус» (Италия) — 1,26 млрд  «Тоттенҳэм» (Англия) — 1,06 млрд доллар билан жой олди. 

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27925 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14835 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55934 Жамият
Пекин Вашингтонни Хитой компанияларга қарши санкцияларни бекор қилишга чақирди
00:40 359 Жаҳон
Reuters: АҚШ Мисрга ҳарбий ёрдам бермайдиган бўлди
00:34 384 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1723 Жамият
Германияда Трамп боши шаклидаги гиёҳванд моддали таблеткалар аниқланди
00:21 416 Жаҳон
Сербия Ҳиндистон ва Эрон фуқаролари учун визани бекор қилди
00:18 462 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 631 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 922 Спорт
Кўпроқ янгиликлар