Туркия ҳукумати Измир шаҳрида Amnesty International ташкилотининг маҳаллий ваколатхонаси раҳбари Танер Қилич ҳамда 22 нафар ҳуқуқшуносни қўлга олди.

Улар 2016 йилдаги ҳарбий тўнтаришга уриниш ва Фатҳуллоҳ Гулен билан алоқадорликда гумонланмоқда.

«Уларнинг халқаро тан олинган жиноятларга алоқадорлиги бўйича ишончли ва аниқ далиллар йўқлиги туфайли биз Туркия ҳукуматини Танер Қилич ва 22 нафар ҳуқуқшуносни дарҳол озод этиш, шунингдек, улардан барча айбловларни олиб ташлашга чақирамиз», - дея маълум қилди ташкилот бош котиби Салил Шетти.

Аввалроқ Туркия бош вазири Бинали Йилдиримнинг бош маслаҳатчиси Фатҳуллоҳ Гулен билан алоқадорликда гумонланиб қўлга олингани ҳақида хабар берилганди.