Вазирнинг биринчи ўринбосари: «Олий ўқув юртларида бункерлар бўлмайди»

Ўзбекистон 07 Июнь 2017 64869

Бугун, 7 июнь куни Халқаро пресс-клубнинг навбатдаги анжумани бўлиб ўтди. Анжуман Ўзбекистон олий таълим тизимида олиб борилаётган ислоҳотлар ва 2017-2018 ўқув йилига абитуриентлар қабули мавзуларига бағишланди.

Тадбирда Олий ва ўрта-махсус таълим вазири биринчи ўринбосари, техника фанлари доктори, профессор Иномжон Мажидов, Вазирлар Махкамаси ҳузуридаги Давлат Тест Маркази директори, техника фанлари доктори, профессор Мажит Каримов, Мирзо Улуғбек номидаги Ўзбекистон Миллий университети ректори, техника фанлари доктори, профессор Авазжон Мараҳимов, Ислом Каримов номидаги Тошкент Давлат техника университети ректори, техника фанлари доктори, профессор Садриддин Туробжонов, Тошкент тиббиёт академияси ректори, тиббиёт фанлари доктори, профессор Лазиз Туйчиев, Тошкент Давлат юридик университети ўқув ишлари бўйича проректори, юридик фанлар номзоди Мансурхон Камалов иштирок этишди ва ОАВ ходимлари, экспертлар томонидан йўлланган саволларга батафсил жавоб беришди. 

Таъкидлаш жоизки, бугунги пресс-клубда барча кўплаб саволларга ойдинлик киритилди, спикерлар ҳар бир саволга атрофлича, тўлиқ жавоб беришга ҳаракат қилишди ва бу эса анжуманнинг қизғин ҳамда қизиқарли ўтишига ёрдам берди. 

Анжуман давомида журналистлар томонидан «Жорий йил давлат имтиҳонлари вақтида бункер, Х-вариант деган гаплар бўладими?» деб йўлланган саволга Олий ва ўрта-махсус таълим вазири биринчи ўринбосари, техника фанлари доктори, профессор Иномжон Маджидов қуйидагича жавоб берди: 

«Олий таълим муассасаларида бундай ишлар бўлмайди. Лекин ташқарида нима бўлишини ҳеч ким билмайди. Бугунги кунда олий ўқув юртлари бу ҳолатларни камайтиришдан манфаатдор».

Шу ўринда Халқаро пресс-клуб раҳбари Шерзод Қудратхўжаев ҳам бу ҳақида ўз мулоҳазаларини билдириб ўтди: 

«Биз бугунги кундаги ислоҳотлар даврида ОТМга ҳар томонлама ақлли, билимли талабалар ўқишга киришидан манфаатдормиз. Ҳар бир домла дарсга кирганида ақлли, идрокли, заковатли ёшлар билан ишлагиси келади. Ҳеч нимани тушунмайдиган, бункер ёхуд турли йўллар орқали ўқишга кирган талабалар аслида, бу олий ўқув юртлари учун жазодир» . 

Шунингдек, анжуман спикерлари ота-оналар кўчада ўқишга олиб киришни ваъда берувчи фирибгарларга ишонмай, фарзандларини билим олишга, изланишга йўналтиришларини, бу эса албатта, ўз натижасини беришини алоҳида таъкидлаб ўтишди.

 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13689 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67817 Жамият
Кун.uz офис изламоқда
15:48 / 06.08.2017 37008 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 449 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 846 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 609 Иқтисодиёт
Кўпроқ янгиликлар