Ангрен шаҳрида автомобилларни ўғирлаб юрган жиноий гуруҳ фаолиятига чек қўйилди

Жамият 08 Июнь 2017 5266

Тошкент вилояти ИИБ томонидан жорий йил апрель ойидан шу кунга қадар ўндан ортиқ автомашиналардан турли эҳтиёт қисмларини ўғирлаб келган гуруҳ фош этилди. Бу ҳақда вилоят ИИБда бўлиб ўтган матбуот брифингида маълум қилинди.

Хусусан, 2017 йил 2 май кунидан 3 майга ўтар кечаси 00-30 ларда ички ишлар органлари томонидан ўтказилган тезкор тадбирлар натижасида, Ангрен шаҳар 18/19-даҳада қаровсиз қолдирилган “Нексия” русумли автомашинадан ўғирлик жиноятини содир этаётган 2 нафар номаълум шахслар воқеа жойида далилий ашёлар билан қўлга олинди. Олиб борилган тадбирлар натижасида ушбу жиноятни А.А. ва Л.Т. содир этганлиги аниқланди. 

Улар билан ўтказилган тергов-тезкор ҳаракатлар натижасида танишлари А.О., Қ.Э. ва вояга етмаган Х.А. ҳамда Ж.Б.лар билан биргаликда Ангрен шаҳри ҳудудида шу турдаги 11та жиноят содир этилгани маълум бўлди.   

Жумладан, 2017 йил 3 апрель куни соат тахминан 23:00 ларда Оҳангарон туманида яшовчи 1992 йилда туғилган Л.Т., 1998 йилда туғилган А.А., 1994 йилда тугилган Қ.Э. ва 1998 йилда туғилган А.О.лар олдиндан жиноий тил бириктириб, Ангрен шаҳар Дукент қўрғони 14-даҳа 21-уйнинг олдида қаровсиз ҳолда қолдирилган, 1985 йилда туғилган фуқаро Б.Н.га тегишли «Нексия» русумли автомашинаси эшиги, копоти ва юкхонасини ғайриқонуний равишда очиб, баҳоси 450 минг сўмлик аккумулятори, умумий баҳоси 2 млн 4 юз минг сўмлик бир дона захира балони ва тўрт дона автомашинага ўрнатилган ҳолда турган балонларни ечиб олиб жиноят жойидан яширинган. 

Ҳозирги вақтда ушбу шахсларга нисбатан Ўзбекистон Республикаси Жиноят Кодексининг тегишли моддаларига асосан жиноят иши қўзғатилиб, тергов ҳаракатлари олиб борилмоқда.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар