Террорчиларнинг Теҳрон парламентига ҳужуми видеоси пайдо бўлди

Жаҳон 08 Июнь 2017 19781

Ливаннинг Al Mayadeen телеканали ИШИД террорчиларининг Эрон пойтахти Теҳрондаги парламент биносига ҳужуми тасвирланган видеони эълон қилди.

Видео парламент ичида ўрнатилган камералар орқали ёзилган. Унда кишилар ваҳимада ўз ўрниларидан қўзғалиб, чиқиш томонга қараб югуришлари, улардан баъзиларининг йиқилиб тушганини кўриш мумкин. Видеода товуш йўқ.

Шундан сўнг хонада қуролланган кишилар пайдо бўлди – ниқобсиз уч эркак залга бирин-кетин кириб келган. Видеога кўра, улар ўт очишган – бир неча киши полда ҳаракатсиз ётганини кўриш мумкин.

Чоршанба, 7 июнь куни Теҳронда бирданига иккита теракт юз берди. Тўрт нафар шахс парламент биносига ҳужум қилишди. Улардан бири ўзини портлатган бўлса, уч нафари ислом инқилоби қўриқчилари корпуси кучлари томонидан йўқ қилинди.

Ярим соатдан сўнг имом Хомейни мақбарасига ҳужум уюштирилди. Ҳужумда уч нафар террорчи иштирок этди – эркак мақбарага ташриф буюрганларга қарата ўт очиб, бир неча кишини яралади, шундан сўнг махсус хизматлар томонидан йўқ қилинди. Кейин худкуш аёл киши портловчи қурилмани ҳаракатга келтирди. Ҳужумнинг учинчи иштирокчиси қўлга олинди, бироқ у ўз жонига қасд қилган. Ҳодиса жойидан портламай қолган қурилма топилди.

Ушбу икки ҳужум вақтида ҳалок бўлганларнинг умумий сони 16 кишини ташкил этди. Террорчилар ҳужумидан яна 43 инсон жабрланди. ИШИД террорчилик ташкилоти терактлар учун масъулиятни ўз зиммасига олди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 32918 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18449 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71172 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58995 Жамият
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 585 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 41 Жаҳон
Барча даврларнинг энг яхши комедияси маълум қилинди
Хитой жанубига кучли тўфон ёпирилди
13:47 2457 Жаҳон
Кўпроқ янгиликлар